最近見到 Blog 友 T&P 呢個食譜

又挑起我條麵包根

好.....一於......開工

食譜

Focaccia

               屋企無粗鹽,我落咗礦物鹽

台式牛軋糖---附食譜

呢個牛軋糖,同我細時吃嘅牛奶糖類同

最奇怪嘅係佢無落奶,但又好好味

食譜

牛軋糖

我用咗周老師嘅一半份量

整咗30小件

無買糖果紙,用一般保鮮紙包

日本套餐---寿司拼盤配麵豉湯

都好耐冇包寿司食

一於每人整番套SET DINNER

再配埋碗麵豉湯

食到個個鬼咁開心

今期嘅MISO湯改良咗

先用木魚絲煲咗個湯底

然後隔渣加入麵豉醬豆腐海帶

最後加入炒香芝麻

個湯真係比以前整嘅好味好多

花生醬朱古力包 朱古力醬朱古力包

朱古力包分別加入花生和朱古力醬

雖然兩種包包都黑孖孖

但卻非常搶手

兩種包各有Fans

平分春色

麻婆豆腐

言明在先

煮呢個餸嘅我

一不麻(仲好白淨),二不婆(仲睇得下)

 

蛋白椰子餅---附食譜

呢隻餅干都幾得意 ga

無油無粉都可以焗到卜卜脆

蛋白     兩隻

糖          50g

椰絲      40g

蛋白和糖打發好加入椰絲,薄薄一層唧在焗盆上

用160°C 焗約10min

椰汁拉爺糕---附食譜

呢一個係越式千層糕

比起印尼千層糕,佢多咗層綠豆茸

口感更豐富

木薯粉         兩碗

澄麵粉         半碗

粘米粉         半碗

椰汁             碗半

糖                 碗半

水                 半碗

將以上材料攪均勻,再分半

半份加入半碗水

半份加入半碗班蘭葉汁

開邊綠豆      150g---冲洗後加入

熱水               碗半---浸透

蒸綠豆15分鐘,然後攪成茸

加入

糖                   碗半

木薯粉           三湯匙+水      五湯湯

攪拌成麵糊

每層約蒸４一５分鐘

忌廉薯仔炆雞---附食譜

屋企好似樣樣有 d 剩

拼在一齊,就變成今日飯餸

材料

洋葱         兩隻---切絲炒香

煙肉          兩片---切小件和洋葱一齊炒香

雞湯          適量

甘筍           兩條---切小件

薯仔           適量----切小角

將以上材料中火煮至薯仔熟透

雞脾         兩隻---切件加入少許鹽,酒,胡椒粉和生粉調味

炒香放入內一齊炆

另外用牛油起獲加入兩匙麵粉炒香,再慢慢加入雞湯,變成濃汁後,慢慢再放回內,最後加入忌廉和鹽作調味即可

 

鹵水牛肉

今次鹵水汁很黑

原因出在老抽

呢個品牌好上色,下次可以落少 d

好在都無影响味道

下次試新嘢都係要諗真啲

Cappuccino 包

Cappuccino 就飲得多

原來食 Cappuccino 都可以咁滋味

今日用咗Espresso整咖啡包

加上鮮忌廉

成杯 Cappuccino 嘅感覺

好香咖啡味

包包用咗中種法,好鬆軟

 

 

 

朱古力牛油曲奇

呢一個曲奇

我係用唧花曲奇嘅食譜

再卷上黄砂糖

放入冰櫃雪硬再切片焗

 

美式朱古力曲奇

好耐之前跟亞 Sir 學嘅曲奇

自己都未整過

今日就嚟一次溫故知新

好在味道跟學嘅時候一樣

無將 d 學費掉進咸水海

未焗之前

Popover Bread ---附食譜

一個好好玩,又容易整嘅 Popover

材料簡單,完全無技巧可言

但出嚟嘅效果...

各位自己睇相啦

Muffin 盤一個

蛋        3隻

麵粉    175g

鹽         2/3茶匙

牛奶     300ml---室温

牛油      2茶匙--室温---用嚟塗糕盤

將以上材料 (除牛油外)攪均勻

用220°C 焗30分鐘(焗其間千萬不可打開焗爐門!!!)

自制泰式魚餅---附食譜

今次嘅魚餅加入檸檬葉,食起嚟更甘香!!

魚肉      兩磅---攪茸

鹽           一茶匙  
豆角      適量---切粒
魚露      4湯匙
胡椒粉  少許
粟粉      兩湯匙
芫荽      適量---切碎

紅辣椒   一至兩隻---切碎

檸檬葉    10片---切碎
將所有材料一起用順時針方向攪至有彈性,放入雪櫃雪至少三小時。

先將鹽放入魚肉內,用順時針方向攪至有彈性

檸檬葉碎

芫荽碎

豆角粒

辣椒碎

將所有配料加入魚肉內攪勻,雪三個鐘左右

手沾上少許油,適量魚肉放入掌心搓成圓球,再壓扁。

 

魚餅沾上少許生粉,放入獲用半煎炸,至金色