鈎鈎毛公仔---唐老鴨

侄仔的禮物

陳皮冰糖燉檸檬

轉天氣啦

係時候又整定d潤喉產品

"陳皮冰糖燉檸檬"

燉足十個鐘

真係啖啖都係心機

(今次整咗平時嘅三倍份量)

檸檬切片去核        6個

陳皮切絲               1個

冰糖                       300g

將材料一層一層放入燉盅，(冇需加水!!!)隔水燉十小時

鈎鈎毛公仔---直升機

今次鈎比兩個可愛小男孩

南瓜大蝦忌廉湯

今次先用蝦頭蝦殼加洋蔥

炒香加水熬咗呢個湯底

將南瓜蒸軟攪蓉

加忌廉

最後加入用牛油煎香嘅大蝦

個湯真係正到冇朋友

但都有美中不足之處

就係少咗個法國長法包

台灣肉燥飯

今次特登為咗煮呢一個飯

買咗支台灣醬油膏

增加風味

下次整個升級版香菇肉燥

豬腩肉切小丁  ---  1斤

紅葱頭切碎      ---  6湯匙

薑蓉                 ---  1湯匙

冰糖                 ---  1茶匙

五香粉             ---   1茶匙

胡椒粉             ---   半茶匙

生抽                 ---   2湯匙

醬油膏             ---   2湯匙

老抽抽調色

生粉水埋獻

先將紅葱碎用冷油慢炸至金黃

紅葱和油分開待用

豬腩炒香加入薑蓉炒加入其他調味料和一半紅葱

最後加入水蓋過材料煮滾轉小火炆約40分鐘

炆好嘅燥肉再放剩下紅葱和適量红葱油即可

鈎鈎毛公仔--- Halloween公仔

就快 Halloween

整隻得意版公仔襯下呢日先!

鈎鈎毛公仔---羊咩咩

鈎完隻羊咩咩鎖匙扣後

比朋友個女見到話好喜歡

咁就鉤咗隻大咩咩比小妹妹

先嚟一張大合影照!🐑🐏

蒸咸雞配炆冬菇

一個在家都可以輕鬆整到的

宴客餸