聖誕火雞---附食譜

聖誕火雞---turkeys with herb butter

一年一度嘅火雞又登場啦!!

今年焗嘅火雞色香味俱全

配薯仔和椰菜仔特別好 feel

食到個個lem lem脷

一)

火雞        一隻重約４公斤
乾葱頭    一磅
芫荽         三條
鼠尾草     三條
百里香     三條
雞湯         500ml

二)
牛油           200g---室温
芫荽碎      ３湯匙
鼠尾草碎  ３湯匙
百里香碎  ３湯匙  
黑胡椒碎   1茶匙
鹽               1茶匙
以上材料拌勻

三)
白酒            250ml
麵粉            2湯匙
雞湯            350ml

椰菜仔        一磅

薯仔            兩斤

火雞處理方法請參巧

香草牛油焗火雞

芫荽         鼠尾草     百里香    都好靚好新鮮

椰菜仔要先將面兩層菜葉清除,底部切十字

用滚水加鹽煮5-8分鐘

隔水加入香草牛油

薯仔煮熟加入適量海鹽和香草碎

曲奇餅---禮品包

曲奇餅---禮品包

26號一班朋友聖誕聚會

我準備咗一袋袋嘅曲奇餅

希望佢哋會鐘意啦!!

包括有

杏仁曲奇

花生曲奇

綠茶曲奇

朱古力曲奇

伯爵紅茶曲奇

聖誕快樂!!

聖誕快樂!!

祝各位 Blog 友

天天開心   日日健康!!

聖誕 & 新年進步

玻璃曲奇

玻璃曲奇---Glass Cookies

見個人好番 d 係時侯焗曲奇送禮

今次整 d 玻璃曲奇比上次有進步

但仲係有氣泡 

下次要再遲 d 放糖糖至得

白汁海鮮意粉---附食譜

白汁海鮮意粉

無端端發燒

成身骨頭好似散晒咁

食咗兩日粥食到個人口寡寡

今日個人雖然仲軟賴賴

都要整 d 嘢食 ga

都話屋企邊個病都有我照顧

自己病......唉!!唔死得都仲要煮兩餐

冇出去買餸

係冰櫃揾到包雜錦海鮮

咁就嗱嗱聲整意粉食

意粉           一包---用大滾水加少許鹽焗9-11分鐘

海鮮            隨意

忌廉            100g

鮮奶             200g

鹽                少許

胡椒粉        少許

雞粉            適量

麵粉            適量---埋獻

大地魚雲吞麵

大地魚雲吞麵---Wonton Noodles

今日心血來潮想食番碗雲吞麵

咁早排向流浮山買酒餅整黄酒時

順便買咗樽蝦籽和大地魚粉

今日碗雲吞麵就可以大派用場

雲吞嘅醃料和湯料

都加咗好多大地魚粉作調味

聖誕派對---糯米糍 小寿司

 

聖誕派對

早兩日有個 Party 慶祝聖誕節

每人要整一兩樣小食

我就整咗糯米糍和小寿司

講起糯米糍就唔知好嬲定好笑

唔記得買膠手套

到萬事俱備先至發現

塗手整咗幾粒,已經整到我發癲

後來靈機一觸發現原來用保鮮纸整得仲靚

今次真係錯有錯着

寿司

寿司---Sushi

今日揾咗兩位大力哥哥幫手

將部鋼琴抬上地毯上

以為會好麻煩

點知唔駛五分鐘就攪掂晒

為咗慰勞佢哋

整咗幾盤寿司請佢哋食

食完之後

佢哋話第日有乜幫手隨時揾佢哋就得喎

白鹵水牛脷---附食譜

白鹵水牛脷---Master stock beef tongue

整好嘅牛脷非常入味,仲好好食

牛脷要先用滚水拖水

咁就會出現一層白色咁嘅脷苔

將脷苔清除洗乾淨備用

鹵水料用白獲炒香加入適量水和調味料煲滾

放入牛脷用慢火煮個半鐘熄火至完全凍

將牛脷切片就可以享用

又可以用少許油煎香,變成另一口味

鹵水料

草果     兩粒

八角     兩粒

桂皮     一支

花椒     適量

丁香     適量

薑

調味料

鹽          三湯匙

酒          適量

胡椒粉  適量

月桂葉  兩片

葱          一棵

釀黄酒---附食譜

黄酒

今日一次過整兩款黄酒

用一黑一黃嘅糯米整咗兩大樽

咁呢個寒冬可以慢慢嘆啦!!

糯米      一斤酒餅      一粒---壓碎冰糖      60g  ---壓碎

先將糯米煮熟

放上一個乾淨托盤上鋪平***托盤一定要無水份***

將冰糖和酒餅分別放上糯米飯面至涼***冰糖和酒餅各留一小撮***

層層疊疊咁入樽最後放入剩餘嘅冰糖和酒餅

蓋上保鮮紙和蓋醃幾星期至出水就可以食用

合桃酥

合桃酥---Walnut Cookies

早兩日有個 friend 送咗包合桃肉比我

今期又唔想攪乜新作

就整番盒合桃酥啦

整吓整吓都幾大盒---夠派街坊

中式Pizza---雞肉薄餅---附食譜

中式Pizza之雞肉薄餅

Chinese Pizza with Chicken

今次嘅薄餅用咗雞肉

所以加咗 d 燒酒調味

一個經濟簡單又好味嘅食譜

大家都不防試一試

皮:
低根麵粉        一磅
鹽                    半茶匙

胡椒粉            少許
温水                適量                           

將以上材料搓成麵糰,用濕毛巾蓋好,待用。

餡:

雞肉                 一磅

梅菜                 一棵

蝦皮                 大半碗

鹽                     少許

胡椒粉             少許

酒                     一湯匙

生粉                 少許

做法可以參考

中國 Pizza--魚肉薄餅

格仔曲奇

格仔曲奇---Checkered Cookies

今日玩黑白格仔曲奇

估唔到整得咁正齊靚仔

死火啦!! 有 d 唔捨得食添

超鬆軟魚鬆包

超鬆軟魚鬆包

又一新嘗試

麵包就好軟熟 la

不過老實講 d 魚鬆都係淨食好味 d

混醬河粉---附食譜

混醬河粉

最近攪乜呀!!

壞咗架洗衣機,厠所個櫃又玩完!!

攪到我行完電器又睇家具....

唉!!算啦!! d 嘢到期就要換 ga 啦

都好嘅當執執間屋 lor 

做到餓餓哋

向雪櫃揾到 d d 肉碎,半個矮瓜,半條青瓜

正諗緊點煮好...

呢樣又落 d 嗰款又加 d

就變成我呢碗混醬河粉

(味道有 d 似炸醬麵呢)

肉碎      適量

矮瓜     

薑茸

蒜茸

麵豉醬   1湯匙

海鮮醬   1湯匙

花生醬   半湯匙

辣椒酱

老抽

鹽

胡椒粉

葱段

青瓜絲

河粉

薑,蒜用少許油起獲

加入肉和矮瓜炒香混合所有配料用少許水再煮至汁濃

放上已煮河粉上

芒果慕斯蛋糕

芒果慕斯蛋糕

Mango Mousse Cakes

話說地球相公早幾日牛一

咁地球人就特意買了地球芒果

做了一個地球芒果慕斯蛋糕比佢啦

脆皮燒鴨---附食譜

脆皮燒鴨---Crispy duck

好開心呀 !!!

第一次焗嘅燒鴨就已經好成功

好有滿足感

皮脆肉嫩

個個食到唔停得口

鴨           一只約三斤重

鴨肚調味料:

鹽           15g

糖             7g

五香粉     2g

薑粉         2g

蒜粉         2g

玫瑰露     1湯匙

海鮮醬     1湯匙

將以上材料混合放入鴨肚抹均勻,再放入

桂皮         1支

八角         2粒

薑             2片

乾葱         2粒

洋葱         半個

葱             2棵

放入所有材料後用鐵針封口

上皮材料:

水              4杯

麥芽糖      1湯匙

白醋          2 湯匙

吊起風乾---起碼半天

預熱焗爐開250°C十五分鐘

烤盆放入熱水用鍚纸封口,在鍚纸上刺上小孔,再放入焗爐底部

將風乾好嘅鴨放上鐵架上焗40-45分鐘

Masala 咖哩雞配黄薑飯---附食譜

Masala 咖哩雞配黄薑飯

Masala curry chicken with turmeric rice

突然好想食咖哩雞飯

買咗果包 Masala 就可以煮嚟食 lor

最衰唔記得買薯仔,有 d 美中不足

點解張相 d 色咁奇怪嘅,明明人哋煮得 d 咖哩色好鮮明 ga.........

雞肶         三隻---切件 (用鹽,胡椒粉,酒調味)

洋葱         一個---切件

乾葱         兩粒---切碎

Masala    兩茶匙

黃薑粉     一茶匙

鹽             適量

雞粉         少許

胡椒粉     少許

生抽         少許

生粉水     埋獻

金沙金磚---附食譜

金沙金磚---Salted egg with Tofu

今次買咗兩件用嚟煎嘅豆腐

效果真係靚好多

豆腐            兩件---切件

鹹蛋            兩個---蒸熟---鹹蛋只用蛋黃壓碎(**用剩嘅蛋白用嚟炒菜)

用油煎至豆腐金黃色,隔起備用
放入已壓碎鹹蛋黄炒至全是泡泡加少許胡椒粉
將豆腐放下快手炒勻

大閘蟹

大閘蟹

昨晚品嘗了一餐豐盛嘅大閘蟹

d 蟹糕頂蓋,甘香無比

食咗三大隻,一飽口福