黄酒
今日一次過整兩款黄酒
用一黑一黃嘅糯米整咗兩大樽
咁呢個寒冬可以慢慢嘆啦!!
糯米 一斤酒餅 一粒---壓碎冰糖 60g ---壓碎
糯米 一斤酒餅 一粒---壓碎冰糖 60g ---壓碎
先將糯米煮熟
放上一個乾淨托盤上鋪平***托盤一定要無水份***
將冰糖和酒餅分別放上糯米飯面至涼***冰糖和酒餅各留一小撮***
層層疊疊咁入樽最後放入剩餘嘅冰糖和酒餅
蓋上保鮮紙和蓋醃幾星期至出水就可以食用
我同事都送咗一黃一黑嘅黃酒俾我呀!
回覆刪除[版主回覆12/05/2010 20:41:00]你就好啦!!我要自己整先有得食
我D弟婦坐月時，母親就一早整定糯米洒俾佢哋補身，佢哋話好甜！
回覆刪除[版主回覆12/07/2010 10:22:00]我屋企就唔會淨係有人坐月先整 lor
想請問，是否一層糯米內加入少許酒餅及冰塘，然後再一層咁舖上，另酒餅可在什麼地方購買?
回覆刪除[版主回覆12/07/2010 10:19:00]你好叻呀!! 冇錯就係一層一層咁入樽 d 酒餅一粒粒好似波子咁 通常一包有兩粒 應該雜貨舖有得買 我 gou d 响流浮山 d 檔口買
有兩樽, 呢個冬天你可以慢慢飲了.
回覆刪除[版主回覆12/07/2010 10:13:00]我用嚟直接煮雞或煲糖水 未試過係咁飲 bor
啲酒釀好後駛唔駛隔渣存入雪柜架? 我都想釀啲嚟煮雞呀.
回覆刪除[版主回覆12/07/2010 10:11:00]釀好就 OK ga 啦!! 唔駛隔渣又唔駛雪入雪櫃 直接用嚟煮雞或煲糖水
黃酒煮雞真係好正 , 我以前坐月都有食架 , 可惜而家唔食得有酒嘅食物 , 唔係都想整返樽呀 !
回覆刪除[版主回覆12/07/2010 16:51:00]Oh!!有得睇冇得食咁慘呀
多謝回覆，因我明年就要做嬤嬤了，看到網址說坐月可以飲，想做啲被新抱仔坐月時享用。
回覆刪除[版主回覆12/07/2010 18:40:00]做你 新抱仔真幸福呀!! 咁 e ga 整定都差唔多 因為釀好嘅黄酒可以食好耐