2009年1月31日 星期六
椰子曲奇餅
好鐘意食椰子味嘅食物
今期玩曲奇餅多,咁又有乜可能唔試整椰子味曲奇呢
問過好多人都話唔識整,又有些blog友話食譜不便外傳
咁為有自己諗辦法
第一次整嘅曲奇唔夠鬆---應該係糖和粉嘅問題
但
第一次整都覺得好食
第二次整嘅又好似散咗少少---入口即溶,少咗 d 咬感
到第
二次整
又確實比
第一次整
嘅香和鬆化
今次我將所有砂糖改成糖霜
全部用麵粉,但再加多一湯匙鹰粟粉
當然仲有今次嘅主角椰絲和少許椰子味香油
效果係點
真係我想要嘅質感咯
可以成為我嘅永遠收藏食譜
呢個係呍呢拿味曲奇
椰菜韮菜餃子配魚丸大豆芽炒河粉
聽一個外省朋友講
用椰菜包餃子
咁我每次聽完人講我都會儘快試新食譜
袐訣係將切碎咗嘅椰菜(要非常幼细)先放點油,將水份保留好
再加豬肉碎和韮菜調味
用椰菜茸包餃子果然餡料好濕潤
屋企冇買芽菜,所以用食剩嘅大豆芽炒河粉
原來用大豆芽菜炒河粉都好好味
今次重炒得幾有獲氣添
牛年開爐麵包
今年第一包
芝麻辫包...黑白分明
香草焗羊腿
屋企人個個都係羊痴
所以耐唔耐我就整 d 關於羊嘅食物
之前用豬腿肉試咗味
今次终於到羊腿出場
登登登登.....果然比起豬腿好味好多
2009年1月26日 星期一
煎堆碌碌,金銀滿屋
煎堆碌碌 金銀滿屋
每逢過農曆新年我都有個習慣整煎堆
記得我细個嗰陣,嫲嫲是整煎堆高手
簡直係遠近馳名
話說好耐以前,有一年圍村裏添了很多男丁
我嫲嫲為了幫手整煎堆,足足整咗幾日幾夜,真厲害
雖然我冇咁本事,但都整到皮薄咸餡靚
唔信??有相為証
祝大家牛年行好運!!!
家鄉咸煎堆--有蛋液.葱花和鹽
芝麻小煎堆
較新的文章
較舊的文章
首頁
訂閱:
文章 (Atom)