小青瓜煙三文魚卷

小青瓜煙三文魚卷

咁嘅天氣有時真係唔知食乜煮乜好

呢個唔駛煮材料又簡單

小青瓜、煙三文魚、

牛油果、cream cheese 

將所有切好卷埋一齊又靚又好味！

自家醃菜

最近愛上醃菜

無論中，日，韓乜都玩一餐

芝麻醬菠菜

醬油小青瓜

糖醋蘿蔔

爽脆醃小青瓜

今次改了個切法(上网學)

玩玩刀工之餘

原來可以另青瓜仔

更好看，更爽脆，更入味

先將切好嘅青瓜放入盐水中

醃十分鐘拿出壓出多餘水份

再放入醃料中

醃料:

水            一杯

蒜茸        兩粒

糖            4湯匙

白醋        6湯匙

麻油         數滴

辣椒         適量  

魚肉蝦膠釀小青椒沙律

最近發現一隻小青椒

好香椒味

但又唔辣

超正

平時煎香加d海盐加d黑胡椒粉

配扒類西餐

今次攞嚟整煎釀青椒

魚茸      200g

蝦膠      200g

蛋          一隻

盐          半茶匙

糖          少許

胡椒粉   少許

雞粉       少許

芝麻油   少許

生粉       半湯匙

材料向同一方向攪均匀至有彈力

釀入開半青椒中煎至金黄

自制燻蹄

宴客整燻蹄有個好處

可以早早準備

隨時切隨時食

包冇失禮😁

豬手氽水

放入白鹵水汁煮滾

轉慢火燜一小時

熄火焗一晚

起骨用繩札實豬手

放入雪櫃定型

食時配合蒜醋汁

材料:

豬手     一隻

花椒     一茶匙

八角     兩粒

月桂葉 兩片

草果     一粒

丁香     半茶匙

玉桂     一支

五香粉  一茶匙

鹽         兩湯匙

冰糖碎 一茶匙

魚露     兩湯匙

紹酒     兩湯匙

水         適量

蒜醋汁

蒜蓉     兩茶匙

鹽         少許

糖         一至兩茶匙

白醋     兩至三湯匙

水         適量

紅椒絲 隨意

芫茜     隨意

蒜蓉 2茶匙、幼鹽 1/8茶匙、砂糖1/2茶匙、米醋 2湯匙、飲用水 1湯匙、紅辣椒(切碎)

　　

醉雞卷

今次玩醉醉雞

落咗好多紹興酒

好香好好味

雞脾去骨，用盐，酒，胡椒粉調味

用繩將雞件卷成圓筒形醃過夜

蒸熟雞卷

再放入紹興酒汁中浸一日即可

汁料

水

盐

雞粉

胡椒粉

先將以上材料煮滚待凉

再加入三分一枝紹興酒

凉拌雲耳

呢個本來用陳醋整嘅凉拌菜

皆因屋企d陳醋用哂未入貨

改用咗意大利甜醋

班人仔食完後話好似食海蜇

大家試完比d意見呀！

雲耳               適量

紅椒絲           少許

意大甜醋       2湯匙

糖                  半茶匙

魚露               1茶匙

雞粉               少許

芝麻油           1湯匙

豉油               少許

蒜茸               兩粒

吞拿三文魚沙律

今次玩擺款

似唔似人哋d高級食府呀！

芝麻酱雞絲粉皮

粉皮既可以炒又可以涼拌

今次落芝麻酱

亦係最普遍嘅食法

調味方面很個人

可迎合個人口味作加减

蒸熟雞脾肉拆絲        
粉皮
青瓜切絲
甘筍切絲

芝麻酱       兩三湯匙
白醋           兩茶匙
糖               兩茶匙

蒜茸           適量
麻油           適量
生抽           少許
凍滚水       適量
炒香芝麻铺面

三文魚他他沙律

材料
三文魚刺身切小件   適量
牛油果    1隻
車厘茄    適量

沙律菜

調味料
法國芥末醬    1/2湯匙
青檸汁    1湯匙
黑胡椒粒     1/2茶匙
蜜糖    少許
意大利黑醋    1/2茶匙

欖油      2湯匙

海鹽       適量

青瓜蕃茄沙律---Cucumber Tomato Salad---附食譜

青瓜蕃茄沙律---Cucumber Tomato Salad

青瓜      兩條
蕃茄      三個
獨蒜      一粒
魚露      3茶匙
糖          1茶匙
青擰汁  半個

我選了肥大肉厚嘅荷蘭青瓜去籽切厚片

用幼盐一至兩茶匙將青瓜醃十分鍾,再用凍水清洗
呢個方法不單止去除青瓜嘅腥味,會另青瓜更爽脆

蕃茄去籽切粒


最後把所有材料混合即可

調味可因個人口味作加减

有時我會再加入辣椒和芫荽碎

白雲鳳爪---Chicken Feet in vinegar sauce---附食譜

白雲鳳爪
Chicken Feet in vinegar sauce

先將雞脚洗好

放入薑片紹酒加水蓋過雞脚飛水
(中火煮開後再繼續煮約20分鍾)

用冰水浸半小時剪去指甲

放入已凍糖醋汁裏浸一個夜晚

配合蒜汁

糖醋汁:白醋       250ml
              白砂糖   200g
                  盐          1湯匙
                  水          3碗
                  煮滾放凉加入辣椒
蒜汁:用糖醋汁加入蒜茸一些糖和醋辣椒絲增加香味