越南凍春卷

越南凍春卷,一款成日在我屋企出現嘅菜式

鐘意又有得玩,(自己包自己食)又有得食

憑自己喜好包入各種食材

米纸         適量
米粉         一包---浸軟煮熟,過冷水
青瓜         一條---切絲
雞蛋         四隻---做蛋皮
雲耳         適量---浸軟,切絲炒熟
豬肉         一磅---切絲、炒熟
蝦仁         半磅---煮熟

芫荽         適量---切段
九重天     適量(個人口味問題,所以冇落)

汁
水              约一飯碗
魚露          6湯匙
糖              ３茶匙
青檸          一個---榨汁
蒜頭          ４粒---茸
辣椒仔      適量 
這個汁機乎大部份嘅越南菜都啱用!!!

米纸浸軟放入米粉,青瓜絲

蛋絲和耳

再加入炒香嘅肉碎

和蝦仁

卷成一條便完成!!!

红豆包 芋頭包

自己整嘅包實在幾OK

起碼自己知道放咗 d 乜係入面,食都食得暢快
糖,油嘅份量又可以自己控制

 

先將红豆煲腍加糖

用吉士包,包入红豆

一個既簡單又鬆軟好味嘅麵包

同場加映" 芋頭包 "新攪作,嘗試中

淡咗 dd 但同樣鬆軟

椰茸檳

好耐好耐冇焗包包食啦!!!

今期焗咗"椰茸檳"

估唔到幾個月冇整包,都冇失水準

食番個熱刺刺嘅包包,感覺得一個字" 正"

咸肉糭 --- 包糭子做法 (附食譜）

    每年都有包糭的習慣,有好幾個朋友仲想學添  

但無奈我最近工作比較忙,很難约齊人去我家裏玩

所以决定早些把這一門手藝

放上blog 大家互相研究

約４Ｏ隻

綠豆(冇殼)   ２磅   隔晚用水浸

五香粉         ３茶匙

鹽                 ５茶匙

油                 ２茶匙

糯米             ４磅用水浸三小時鹽                 ６茶匙

油                 ３茶匙

五花腩          2磅 切長條

五香粉         ２茶匙

鹽                  1茶匙

油                  1茶匙

胡椒粉          少許

糖                  半茶匙

生抽              1茶匙

咸蛋              20隻--蛋黄分半

竹葉              適量

用水浸軟清洗

準備好材料之後

想食就開工啦!!!  

用兩片竹葉重疊卷成下尖上宽,用手托實

先加入糯米

再加入綠豆

放入豬腩和咸蛋黄

再加一層綠豆,一層糯米

前方竹葉往後壓,後方向前包成三角形

煲一粒半鐘就有得食啦!!!

珍珠丸

一款台灣名菜,見到幾得意,又咁耐冇煮 些特别餸菜

手癢癢試一試煮,哈又幾盞鬼喎!!

材料：豬肉       一磅    絞碎
          蝦米       少許    絞碎   
          糯米      1/3杯    浸一小時
          薑蓉       少許         

調味料：豉油   一大匙
              鹽       1/2小匙
              酒       一大匙
              生粉   1/2大匙
              胡椒粉    少許
              糖            少許

作法：
1. 先將肉碎 加入鹽攪至有黏性，再加入其他調味料、切碎的蝦米攪拌均勻。


2. 做成大小相同的肉丸，在兩手手掌中來回的摔拍，以增加肉丸的彈性。


3.  佔上已浸糯米,用大火蒸十至十五分鐘即成。

這款菜好有意思，糯米係肉丸表面就叫珍珠丸，

要是將糯米藏在肉裡攪和就叫獅子頭。

肉鬆蛋

一個我差不多每個月都煮一,兩次的餸菜

由其是當我冇時間,唔知煮乜時

就是這個餸 大派用場的時候

一個簡單又方便嘅餸

送飯一流

材料:  豬肉碎      半磅
           雞蛋          兩隻
           咸蛋          一隻--蛋黄壓碎
           鹽              半茶匙
           胡椒粉      少許
           生抽          一茶匙
           水              大半碗