冰皮月餅---自制红豆沙/綠豆沙---附食譜

冰皮月餅---snowskin mooncakes

红豆沙冰皮---綠豆沙冰皮

                     

終於忍唔住要玩玩冰皮月餅

小試牛刀所以只買了一個膠模

冰皮月餅其實一 d 都唔難整
只不過我响炒紅豆沙嗰 part 炒得唔夠乾身所以軟身咗 d

到炒綠豆沙就正好多

        

冰皮和豆沙分別弄成球狀             冰皮用保鮮纸輾平

                                                       包入豆沙團

再用模壓出月餅

          

攪好嘅豆沙先和油混合                    再加上糖用慢火煮溶        

                 

炒至豆沙乾身待凉備用

冰皮:
糯米粉        90g
粘米粉        70g
澄麵粉        40g
鮮奶          370g
糖粉          100g
油               40g
將以上材料先混合好,静止30分鐘,再用大火蒸20-25分鐘---待涼
如要有色冰皮可在蒸好待涼後之粉糰加入適量綠茶粉---綠色冰皮

紅豆沙:                                       綠豆沙:
紅豆         200g                           綠豆           200g
糖             100g                           糖              130g
油               30g                           油                20g
-將豆浸過夜                                 -將豆浸三小時
-用水煲至軟綿綿                          -用水煲至軟身
                        -用攪拌機打至成茸                      
                        -先和油混合                                
                        -再加上糖用慢火煮溶                
                        -炒至豆沙乾身待涼備用

楊枝甘露---Mango pomelo sago---附食譜

楊枝甘露---Mango pomelo sago

夏日炎炎

一直避暑至今
都係時候慢慢開爐

楊枝甘露其實都整過好幾次

但次次整完都唔記得影相
我鐘意 d 楊枝甘露比較清淡

所以 d 奶味唔會太重,芒果茸都唔會落咁多

西米          100g
冰糖          250g
水              两碗
沙田柚       半個
芒果          三隻
椰汁          200ml
花奶          100ml

-冰糖加两碗水煲至全溶,再加入椰汁待涼
-西米用一公升水煮滾五分鐘,熄火焗＋五分鐘
-用凍水清洗已透明西米
-沙田柚拆肉
-芒果切粒/茸
-將所有材料混合即可

升咗 Blog!!!

試Blog

早幾日升到呢個新平台

應該係一個比我地球人更普通更平平無奇嘅平台

都有 d 唔習慣 ga

不過無計啦!!

反正等佢迫升,不如自己先熟練一吓 Yahoo 嘅運作 lor

^{_{相片純屬測試}}123testing

祕制酸子薑--附食譜

祕制酸子薑

去咗火星避暑,點知仲熱過响地球

曬到一身古銅色

今次真係唔知要用幾耐先可以變番白白凈 lor

*     *     *

有個 friend 叫我教整祕制酸子薑

一直冇整過酸子薑嘅地球人

點揾個祕制譜至得 gar

話口未完有人比咗 d 超正嘅酸薑我食

咁我就用死纏爛打呢招

叫高人比咗個祕制食譜過我

子薑             二斤

汕頭米醋     一支

冰糖             一包

鹽                 两茶匙

玻璃瓶         一個

開工!!!

子薑去皮清洗切厚片(太薄唔爽口)落鹽撈勻放半粒鐘

米醋煮滾冰糖至溶---待涼備用

用凍滾水清洗薑片再隔乾水份

將所有材料放入玻璃瓶密封再放入雪櫃最少三日

就有美味祕制子薑食 lor

香港Yahoo! BLOG即將提升至全新平台

香港Yahoo! BLOG即將提升至全新平台

去咗火星一轉

返嚟虎虎又有新亂攪作

睇咗好多 blog 友議論

大都惡評如潮

咁即係升唔升好呀

我最怕以前寫落 d 嘢無晒

親愛嘅 Blog 友名單無咗

應該點攪好呢

自己先試吓

留响到等佢自動升

搬竇

大家比 d 意見啦!!

我最唔想失去你哋一响嘅支持