中國 Pizza--魚肉薄餅---附食譜

呢個本來用豬肉碎整嘅食譜

後來因我妹妹怕肥演變而成

至於點解叫中國 Pizza....係一次 d 小朋友食完後改嘅

其實呢個名都幾貼切

圓圓哋之餘 d 材料包在中間

似我哋中國人有內函

皮:
低根麵粉        一磅
鹽                    半茶匙

胡椒粉            少許
温水                適量                           

將以上材料搓成麵糰,用濕毛巾蓋好,待用。

餡:

魚肉                 一磅

梅菜                 一棵

蝦皮                 大半碗

鹽                     少許

胡椒粉             少許

先將皮料搓成粉糰

將粉糰和餡料分成幾份,大小隨意

包入餡料後,摺口向底,壓扁

易潔獲放少許油,放入薄餅

用細火煎至兩面金黄

皮脆肉滑,真係好好味,大家不妨試一下

整得好食記得話我知啊!!

銅鑼燒--荳沙包---附食譜

蛋       120g
糖         60g
蜜糖     20g
味醂       6g
小蘇打   2g    加水    15ml
麵粉   100g

豆沙餡 

以上材料,除 豆沙餡外,攪勻靜止三十分鐘左右

靜止後的蛋漿,用湯匙從高處慢慢溜入易潔獲中---用慢火

千其咪心急,煎到蛋漿成形至有氣泡,反轉再煎幾秒

煎至微黄即可

放上架略涼

將一片銅鑼燒加入荳沙

再放上另一片銅鑼燒,即可食用

芒果蛋糕

買咗幾個巴基斯坦芒果試食,好甜....甜到好似比人加咗糖水咁甜

食剩兩個,連我呢個生菓精都唔啱

為免浪費,我就用嚟整咗個芒果蛋糕

開頭都諗或者唔好食,所以求求其其將 d 芒果撻上面就算

嘩!!配蛋糕就立即變成超"正"啦

臘腸包---附食譜

繼奶皇包和紅豆包之後

又一新嘗試

其實冇乜難度,只不過加條臘腸

所以用另一種包法

中根粉           500g

水                   290ml

糖                   90g

依士粉           12g

鹽                   少許

泡打粉            2g

臘腸

白汁火腿腸仔磨菇意粉---附食譜

 

白汁意粉

可隨意加入自己喜歡嘅食物

但一定要記着唔可以加一些煮熟後會出水嘅食材

咁就可以煮出百變意粉啦!!

意大利粉          一包

火腿                  三至四片

腸仔                  二條

白酒                  適量

鮮忌廉              200g

鮮奶                  適量

鹽                      半茶匙

雞粉                  一茶匙

胡椒粉              少許

洋葱                  一個----切碎

雞蛋                  兩隻----打勻

-先將意粉放入已煲嘅滚水(加鹽和油)煮,熄火焗約9-11分鐘至淋,隔水用少許欖油撈勻

-用油爆香洋葱加入腸仔,火腿和磨菇炒香

-再加白酒,鮮忌廉,鮮奶轉細火

-加入所有調味料

-最後快手加入雞蛋攪勻,放入意粉撈勻

如放入煙肉或意大利咸魚仔會更香濃

有些人會用麵粉或者生粉埋獻

但一次偶然機會,碰到一個意大利人

佢教我用雞蛋會另到 d 汁更香滑,更正宗

印尼千層糕---附食譜

成功啦!!!

仲整到15層添

木薯粉      300g
粘米粉        40g
椰汁          400g
糖              250g
班蘭汁      200g---用水加6-8片班蘭葉攪成
 

每層蒸約一分鐘,雪凍切片

綠茶忌廉蛋糕

 

一個日本朋友送嘅綠茶粉

細細盒得20g

真係有 d 唔啥得用呢!!!

但真係好香綠茶味,顏色又靚