小小小方包---中種

今日嘗試整中種麵包

個感覺又真係幾得喎

不過就多工咗少少

如果時間許可,又真係值得一試,再試或三試

日式豬肉串燒

第一次整呢個串燒

食嘅時候配珍珠米飯,蘿蔔和蚧子

記得配番杯綠茶,會好有日本風味啊

材料好簡單,將肉砌碎加入日本清酒,醬油,糖,胡椒粉,葱粒和少許生粉

攪均匀至有彈性搓成腸形,包在竹簽上,用中火煎至熟

串燒汁: Sake,醬油,糖,味啉煑至汁濃即可

海鲜湯

呢個海鲜湯係我嘅至愛

橫掂唔知食乜好,咁就煲呢個湯加條法國麵包

唔好睇好似好普通,其實好有內涵

蝦仁,魚片,魷魚和薯仔粒

合桃酥

去朋友屋企玩,又點何以倆手空空呢

買手信又冇咁誠意

梗係自己整 d 嘢食,收禮物嘅人又開心,我又可以玩

一舉兩得

橫掂開焗爐,再焗條牛奶方包做早餐---湯種

Muffin

朱古力和呍呢拿 Muffin

札肉河粉

一款又簡單又方便嘅越式札肉河粉

煮好湯底加入河粉,札肉,菜,芫茜和炸蒜茸

最後(多與少個人喜好)加入青檸汁和魚露

一碗自制河粉就可以上枱
                                                                                                                                                      

越式札肉

越南札肉---附食譜

越式札肉

很久很久以前食過札肉,朋友 媽媽嘅自制食物,一試難忘

今日終於有機會一試,雖然味道沒有伯母整的好食,但總算一嘗心願

                  豬頸肉切粒                   800g
            豬腩肉切粒                   600g
            魚露                               8-9湯匙
            水                                   7    湯匙
            胡椒粉                            適量
            酒                                    適量 
            雞粉                                3   湯匙
            Baking powder                 1   茶匙
            生粉                                適量      

            1---將所有材料加在一起醃,再將已醃豬肉放入冰櫃雪一至兩日
            2---將半溶化的豬肉粒攪拌至肉醬
            3---用保鲜纸捲成條狀
            4---再改放入錫纸包好
            5---蒸約二十至二十五分鐘
            6---用半煎炸,煎至表面金黄即成  (煎與否視乎各人口味)

非一般"糯米雞

今日忽然想整一餐比較特别嘅菜

"糯米雞"

係將生炒糯米飯釀入去骨雞肚內

再包上荷葉蒸三十五分鐘

味同香都合格,差在雞皮唔夠色

( 因我以為荷葉 d 色會上 雞身,原來只會包糯米時才會上色)

有機會再整,我會先同隻雞化個靚裝

一剪開個肚,糯米飯即刻爆晒出嚟

第一次將隻生雞去骨,去剩兩手兩脚,花了十五分鐘

去咗骨嘅雞原來個坐姿咁可愛

用生炒糯米飯嘅方法炒至七成熟,然後調味

放入已炒香蒜茸,冬菇,虾米,乾堯柱,最後加少許老抽

將炒好嘅糯米飯釀入雞肚內封口,變成超级肥雞

將爬响到嘅肥雞用荷葉包好,蒸三十五分鐘

     大功告成   

多咗嘅糯米飯,做咗珍珠雞