冰皮月餅---奶皇月餅

近期個個 blog 友都整冰皮月餅

我都想湊熱鬧

不過屋企冇月餅模

又唔想為了一個仲未成功嘅食譜...買咁多工具

因為個厨房實在塞得太多嘢

咁點算呢

. 

.

.

為有用曲奇餅印,試咗先

食譜在此:  多謝 T&P 提供食譜

冰皮奶皇月        

下次行街街,都係要買番個模至得

堯柱甫---附食譜

一個從少到大都喜歡嘅菜

今日膽粗粗咁,就試整呢味餸

登登登

我比自己一百分

真係同我係酒樓食嘅冇乜分別

堯柱---用水浸過夜 ,先蒸軟一次

蒜頭---用油炸至金黄 (炸完蒜頭嘅油留番,用作炒菜)

髮菜---浸軟,洗乾淨

蠔油

糖

第一日

堯柱浸過夜後,連水先蒸30分鐘---待涼

第二日

將堯柱排放好

加入已炸香蒜頭

放上髮菜,加入之前嘅堯柱水和適量雞湯

再蒸30-40分鐘

將汁隔出,加少許糖和蠔油埋一個薄獻

即可上碟

大小牛肉洋葱粟米包

終於排隊到牛肉粟米包出場啦

加埋已炒香洋葱碎

簡直食到唔停得口

日式煎釀墨魚---附食譜

昨日買墨魚買多咗用唔晒

所以今日又有新嘗試

"日式煎釀墨魚"

墨魚 三隻

肉碎 一磅

加兩湯匙日本豉油,半茶匙糖,兩湯匙味醂,一茶匙雞粉和少許胡椒粉醃味

調味料

水 兩碗

日本豉油 適量

味醂 三湯匙

胡椒粉 少許

糖 兩至三茶匙

生粉水 適量

(味帶少甜為準)

先將肉碎釀入墨魚內,用牙簽封口,再(界)幾刀

放入獲中煎香兩邊

加水和調味料慢火煮至熟

去牙簽後切片,最後加汁料埋薄獻...話咁易又完成一味餸啦

西班牙海鮮飯Paella---附食譜

每次食呢個飯

都鐘意飯多過餸

因為 d 海鮮和雞汁精華全被意大利圓米所吸收

加上Safran嘅獨特香味

難怪Paella是西班牙名菜

意大利圓米        兩杯 

雞脾                    兩隻  ---切件,用酒和                                       鹽醃半小時

魷魚                    兩隻切圈

青口                    適量

蝦                        適量

洋葱                    兩個   ---切粒

蒜頭                    兩粒   ---切碎
乾葱                    兩粒   ---切碎

Safran                0,2g --用清水浸出味

紅椒粉                適量

雞粉                    一至兩茶匙

鹽                        少許

青,紅,黄椒          各半隻---切粒 (可用青豆代替)

1)先將洋葱 ,蒜茸，乾蔥炒香

2)放入米和Safran水,加雞粉和鹽煮至大滚

3)收中火放入已炒青,紅,黄椒和雞煮約5分鐘，收細火焗焗15分鐘

4)再將其餘海鮮放上飯面焗至熟

冬陰功湯---附食譜

                                                                     

一款好耐冇煮嘅湯,見冇乜胃口,煲番一煲醒吓個胃至得

材料：

洋葱              一個切絲

水                  1至1,5公升

鮮毛菇          多少隨意

番茄　　     ３個 

冬筍              適量

檸檬葉          幾片 

南薑              去皮拍扁

香茅              先拍扁再切段

雞粉              少許

蝦                  適量

青檸              半個　  

紅辣椒          適量

魚露

芫荽

做法:

1)炒香洋葱放入水煮沸，加入香料,番茄,筍片及毛菇

2)煲滾轉慢火滾至材料出味，加少許雞粉,紅辣椒再試味

3)加入蝦，直至熟透熄火加入青檸汁及魚露,調味即可。

叉燒餐包

一直都想試整叉燒餐包

帶汁嘅包包,一直係我憂慮嘅地方

所以遲遲未動手

果然不出我所料

有幾個包包出現溜油情况

下次要多放生粉打獻汁至得

班蘭雞尾包---一口包

屋企用剩幾塊班蘭葉

又想食至愛嘅雞尾包

所以演變咗呢個包出嚟