自制臘肉臘鴨

全天然冇味精冇人造色素！

臘鴨唔太咸

臘肉d肥肉爽瘦肉又唔太硬

地球妹嘅第一次又成功啦！！

臘肉

1-豬腩4公斤去骨切條

2-糖60g醃半小時

3-盐40g醃半小時

4-生抽半碗

   老抽少許搓均匀醃2日

   每日將豬腩翻一次

5-玖瑰露半碗搓均匀醃一日

   將臘肉用繩串上(皮位)放通風處

   吹4至7日至乾

6-乾透臘肉用報纸 

   (我覺得報纸唔衛生改用宣纸)

   包好回味1至2日即成

臘鴨

鴨開肚清洗後灑上大量盐，用重物壓在鴨上将血水迫出约十小時，用清水冲走盐分，再用竹簽架開胸骨，掛通風地方吊乾每日幫鴨鴨塗一至兩次玫瑰露至鴨鴨完全乾透

蘿蔔糕(改良版)

越煮得多越覺得食物的(味)妙

你覺得好味嘅嘢未必個個認同

人哋覺得超正嘅食物

可能唔啱我胃口

呢個正正係煮嘢食嘅樂趣

正當我冇乜

新(煮)意

嘅時候

有個朋友又另到我想改良

地球食譜

今次我既蘿蔔唔係全刨絲

有一半係人手切條

冇放冬菇(可以放奈d)

口感層次好咗

邊個食譜最好？

啱自己屋企大人細佬仔食嘅就係

“世上最好嘅食譜”

蘿蔔          2,5kg切條刨絲各半

臘腸          2條切粒

臘肉          1條切拉

虾米          大半碗洗凈浸透

粘米粉      400g

澄麵粉      30g

粟粉          50g

水(蘿蔔水加水)600ml

調味

盐               3茶匙

雞粉           2茶匙

糖               1茶匙

胡椒粉        少許

恭賀新禧

話咁快又新一年啦！

地球妹响處祝大家

新春愉快

年年有餘

更希望新嘅一年有多d時間陪家人

多D整新菜可以 post 上 blog 

恭喜恭喜！！

紅酒燴羊膝

停不了的新寵煲

呢個煲燴出嚟嘅食材

簡直可以比美高級餐廳

羊膝肉質鬆軟淋而不散

今次我用嘅配料非常簡單

薯仔，紅蘿蔔，洋葱，蕃茄，青椒

紅酒，盐，胡椒粉，月桂葉調味

先將羊膝煎至金黄

配料炒香加入調味料

放入羊膝加水燴一小時左右

熄火待半小時即可上碟

再洒上黑胡椒

切片蕃茄做裝飾

腐竹炆羊腩

地球妹厨房的新寵(煲)

呢個煲炆嘢食一流

炆完d肉好鬆軟多汁

羊腩連骨     三磅

腐竹切段     一包

腐乳             六磚

磨豉醬         兩湯匙

盐                 適量

胡椒粉         適量

生抽             適量

老抽             適量

薑片             五片

蒜頭             五粒

米紙蝦肉卷

一個無無聊聊的下午

碰上呢個煮意

米卷的誕生

越南米紙

紫菜

蝦膠

雞茸

盐

胡椒粉

生粉

芝麻油

自制止咳秋梨膏

一踏入乾燥的秋天

患咳嗽的人特别多

朋友夜晚咳到冇覺好瞓

咁我就整咗呢樽秋梨膏比佢試

連飲三日就冇再咳

材料：雪梨             4-6個  

            紅棗去核     20g 

            冰糖             25g  

            薑片             15g 

            蜜糖           150g  (後下)

            川貝             10g

            甘草               2g

1.  雪梨用清水洗淨後去皮去芯磨成茸

2.  用紗布擠出梨汁隔渣

3.  倒入煲內再加入其他材料(除蜜糖外)

4.  先用中火煮滾再轉細火慢慢煮至稠身

5.  去到和手温一樣就隔渣加蜜糖攪匀

6 .  放入用熱水消過毒抹至乾身的樽儲存

       飲用時用温水加入一茶匙雪梨膏

Pepper Pig 阿華田忌廉蛋糕

  

响朋友屋企玩整蛋糕

本來只焗一個海棉蛋糕

但佢又想知點樣唧花

响一間百無嘅厨房内

地球妹只能用個保鮮袋

唧出呢個蛋糕